Tavsif
“Xalqlar do‘stligi” saroyi, kontsertlar, bayramlar, stendaplar va taniqli shaxslarning boshqa chiqishlari o‘tkaziladigan Toshkentdagi eng mashhur madaniy maskanlardan biridir. Barpo etilgandan so‘ng, yillar davomida saroy yuzlab turli tadbirlarga mezbonlik qildi. Bugungi kunda, “Xalqlar do‘stligi saroyi” da turli yoshdagi tomoshabinlar uchun har xil formatdagi tadbirlar o‘tkazilmoqda.
Toshkentning asosiy madaniy maskani
“Xalqlar do‘stligi” saroyi 1980 yilda me’mor Yevgeniy Ryazanov loyihasi bo‘yicha barpo etildi va 1981 yilda faol foydalanila boshlandi. Dastlab, obyektdan keng ko‘lamli tadbirlar va bayramlarni o‘tkazish uchun foydalanilgan bo‘lsa, asta-sekin uning imkoniyatlari yanada kengaydi. Yaqinda obyekt qayta ta’mirlandi, buning natijasida uning funksionalligi ancha kengaydi. Hozirda, “Xalqlar do‘stligi” saroyining maydoni 12 ming kvadrat metrni tashkil etadi. Endilikda u konsert zali, sahna, banket zallari, besh qavatli ma’muriy bino, kiyinish xonalari va umumiy ovqatlanish bo‘limlarini o‘z ichiga oladi. Darhaqiqat, u chindan ham tomoshabinlar va tadbirlar ishtirokchilari uchun barcha sharoit yaratilgan ulkan majmuaga aylandi. “Xalqlar do‘stligi” saroyi 4000 taga yaqin tomoshabinni o‘ziga jam qila oladi, kontsertlarda quloqni qomatga keltiruvchi muhiti hukm suradi. Hozirgi kunda “Xalqlar do‘stligi” saroyi nafaqat madaniy, balki xalqaro va milliy forumlar, anjumanlar kabi rasmiy tadbirlarni o‘tkazish uchun ham foydalanilmoqda. Bu yerda Markaziy Osiyo va Qozog‘iston davlatlari rahbarlarining uchrashuvi, ShHT sammiti, Xitoy Xalq Respublikasi madaniyat kunlari va boshqa siyosiy tadbirlar bo‘lib o‘tgan.
“Xalqlar do‘stligi” saroyi qayoqda joylashgan?
Majmua, Toshkent shahrining Shayxontoxur tumanida joylashgan. “Xalqlar do‘stligi” saroyining manzili: Furqat ko‘chasi, 3. Unga 11, 13, 47 va 51-sonli avtobuslarda borish mumkin. “Navro‘z nikoh saroyi” yoki “Besh yog‘och maydoni” bekatlarida tushishingiz kerak bo‘ladi. Shuningdek, “Xalqlar do‘stligi” saroyiga taksi yoki shaxsiy avtomobilda ham borish mumkin. Saroy yaqinida qulay avtoturargohlar bor.